འབྲས་བློ་གླིང་ཚུལ་ཁང་རྗེ་བཙུན་བློ་བཟང་རྡོ་རྗེ་དཔལ་བཟང་པོ་མཆོག་ལ་ཤར་པ་ཆོས་རྗེའི་ཕྱག་རྟགས་སྤྱི་བོའི་རྒྱན་དུ་ཕེབས་གནང་མཛད་པར་འཚམས་འདྲི་དང་བཀྲ་ཤིས་བདེ་ལེགས་ཞུ་བ།

12/19/2016 LosellingMonastery མཆན་ 0 སྡེ་ཚན་ :





བོད་རབ་བྱུང་བཅུ་བདུན་པའི་མེ་སྤྲེལ་ཕྱི་ལོ་ ༢༠༡༦ ཟླ་བ་ ༡༢ ཚེས་ ༡༨ རེས་ གཟའ་ཉི་མ་ཉིན་༧གོང་ས་༧སྐྱབས་མགོན་རྒྱལ་བའི་དབང་པོ་མཆོག་གིས་དགེ་ལྡན་བསྟན་པའི་ཉིན་བྱེད་མཁས་པའི་དབང་པོ་འབྲས་བློ་གླིང་ཕུ་ཁང་ཤར་པ་ཆོས་རྗེ་རྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་འཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་ཐོག་བརྒྱ་དང་གསུམ་པར་མངའ་གསོལ་ཞུས་ཚབ་ཏུ། དབང་ལུང་མན་ངག་དུ་མས་མཛོད་འཛིན་པ་མཁས་གྲུབ་གཉིས་ལྡན་གྱི་སྐྱེས་བུ་འབྲས་བློ་གླིང་ཚུལ་ཁང་རྗེ་བཙུན་བློ་བཟང་རྡོ་རྗེ་དཔལ་བཟང་པོ་མཆོག་ལ་ཤར་པ་ཆོས་རྗེའི་ཕྱག་རྟགས་སྤྱི་བོའི་རྒྱན་དུ་ཕེབས་གནང་མཛད་པར་འཚམས་འདྲི་དང་བཀྲ་ཤིས་བདེ་ལེགས་ཞུ་བ་དང་། ཤར་པ་ཆོས་རྗེ་རིན་པོ་ཆེ་མཆོག་སྤྱི་སྒོས་བསྟན་པའི་གསོས་སུ་སྐུ་ཚེ་རིང་དུ་འཚོ་ཞིང་། སྐུ་གསུང་ཐུགས་ཀྱི་མཛད་པ་འཕྲིན་ལས། རྣམས་ཕན་ཚུན་འགྲན་པ་བཞིན་དུ་སྔ་ལྷག་རྒྱས་པའི་སྨོན་འདུན་དུ།
འབྲས་བློ་གླིང་གྲྭ་ཚང་གི་མཁན་བླ་འདུས་མང་སྤྱི་མགྲིན་ནས་ ཕྱི་ལོ་༢༠༡༦ ཟླ་བ་ ༡༢ ཚེས་ ༢༠ ཉིན།


རྩོམ་ཡིག་གཞན།

མཆན་ 0