མཁས་མང་བློ་གསལ་གླིང་གི་ཐུན་མོང་མ་ཡིན་པའི་འདོན་རྟ་དབྱངས།

1/18/2016 LosellingMonastery མཆན་ 0 སྡེ་ཚན་ :












གྲྭ་ཚོང་གི་འདོན་རྟ་དབྱངས་ཀྱི་ཁོངས་སུ་ཐུན་མོང་མ་ཡིན་པའི་ཆོས་སྤྱོད་ཁག་གི་རྟ་ཆེན་བར་རྟའི་རིགས་དང་། གྲྭ་ཚང་གི་གཏོར་འབུལ་རྟ་ཆེན། ཚོགས་ཆེན་གྱི་གཏོར་འབུལ་རྟ་ཆེན། བླ་མ་མཆོད་པའི་ཚོགས་རྟ་རྒྱས་པ་སོགས་དང་། གཞན་ཉིན་ཆོས་དང་། སྐུ་རིམ། གྲྭ་ཇ་བཅས་ཀྱི་སྐབས་གསུང་དགོས་པའི་ཚོགས་འདོན་རིགས་འདུས་ཡོད།
དེ་དག་མི་ཉམས་གོང་འཕེལ་ཆེད་གནའ་སྔ་མོར་དབྱར་གྱི་ཆོས་མཚམས་ཆེན་མོའི་སྐབས་དབྱངས་སྦྱོང་ཚོགས་ཀྱི་ཡོད་ནའང་། དེང་སྐབས་ཆོས་མཚམས་ཆེན་མོའི་སྐབས་ལོ་འཁོར་རྒྱུགས་སྤྲོད་འཁེལ་པས་དབྱངས་སྦྱངས་དེ་བཞིན་སྟོན་ཆོས་ཆེན་མོའི་ནང་ཚོགས་ཀྱི་ཡོད། དབྱངས་སྦྱངས་སམ་རྟ་སྦྱངས་འཚོགས་ཚུལ་ནི། འདོན་བཟང་སྐད་བཟང་གི་གཉེར་པ་གཉིས་ཀྱིས་དབུ་མཛད་དང་གོ་བསྡུར་གྱིས་དབྱངས་སྦྱོང་འཚོགས་གནང་རིང་གྲྭ་ཇ་སོགས་ཚོགས་ཡོད་རིགས་ཕྱིར་འཐེན་ཡོང་བ་ཞེས་ཕྱག་མཛོད་ལ་ཞུ་དགོས་པ་མ་ཟད། དགེ་བསྐོས་ལགས་ལ་ཡང་དེ་མཚུངས་དགོངས་པ་ཞུ་བ་ཡིན། དབྱངས་སྦྱོང་དངོས་གཞིའི་སྐབས་ཞོགས་ཀ་ནམ་རྒྱུན་གྲྭ་ཇའི་རྣམ་པའི་ཐོག་ནས་ཆོས་སྤྱོད་ཁག་གི་རྟ་ཆེན་དང་བར་རྟ་འཐེན་པ་དང་། ཞོགས་ཚོགས་གྲོལ་རྗེས་སྐད་བཟང་བ་དང་འདོན་བཟང་བ་འཛིན་གྲྭ་རྒན་གཞོན་བཞིན་བཞུགས་ཏེ། སྔ་དྲོ་དང་ཉིན་གུང་ཚོགས་ཐེངས་རེའི་སྐབས་འདོན་བཟང་སྐད་བཟང་གསར་པ་རྣམས་ཀྱིས་རྒན་པ་རྣམས་ཀྱི་དྲུང་དུ་འདོན་པ་འདོན་ཚུལ་དང་དབྱངས་རྟན་སྟངས་སྦྱོང་དགོས། དགོང་མོ་ཆུ་ཚོད་བདུན་པར་ཉིན་རེ་བཞིན་སྐུ་རིམ་དུ། འདོན་རྟ་དབྱངས་རེས་མོས་དང་། ཉིན་གཅིག་གྲྭ་ཚང་གི་གཏོར་འབུལ་རྟ་ཆེན། ཉིན་གཅིག་ཚོགས་ཆེན་གྱི་གཏོར་འབུལ་རྟ་ཆེན། མཆོད་འབུལ་གྱི་དགོང་མོར་བླ་མ་མཆོད་པའི་ཚོགས་རྟ་རྒྱས་པ་གཏོང་དགོས་པ་མ་གཏོགས་གཞན་ཞལ་འདོན་ ཚར་ནས་གསར་ཞུགས་རྣམས་ལ་ཉིན་མོ་གང་སྦྱངས་པ་དེ་རྒྱུགས་བཞེས་གནང་དགོས་པ་བཅས་ཡིན།

རྩོམ་ཡིག་གཞན།

མཆན་ 0